Azərbaycan News Agency

Zelenski bildirib ki, Romada JD Vance və Marko Rubio ilə məhsuldar bir görüş keçiriblər.

O, görüş zamanı İstanbulda keçirilən danışıqları müzakirə etdiklərini və Rusiyanın oraya qərar vermək səlahiyyəti olmayan aşağı səviyyəli nümayəndə heyəti göndərdiyini qeyd edib. “Ukraynanın həqiqi diplomatiyaya hazır olduğunu bir daha təsdiqlədim və mümkün qədər tez tam və qeyd-şərtsiz atəşkəsin vacibliyini vurğuladım,” – deyə bildirib.

Zelenski əlavə edib ki, Rusiyaya qarşı sanksiyalar, ikitərəfli ticarət, müdafiə əməkdaşlığı, döyüş meydanındakı vəziyyət və yaxınlaşan əsir mübadiləsi məsələlərini də müzakirə ediblər:

“Rusiya müharibəni dayandırmağa hazır olana qədər ona qarşı təzyiq zəruridir. Və əlbəttə, ədalətli və davamlı sülhə çatmaq üçün atılan birgə addımları da müzakirə etdik. Həyat xilasetmə məsələsində göstərdikləri dəstəyə və liderliyə görə bütün Amerika xalqına təşəkkür edirik.”