Azərbaycan News Agency

Ukrayna Prezidenti Volodimir Zelenski Müdafiə Nazirinə və Baş Qərargah rəisinə ABŞ tərəfi ilə bütün təmasların intensivləşdirilməsi ilə bağlı göstəriş verdiyini bildirib.

Zelenski qeyd edib ki, artıq əllərində lazım olan siyasi bəyanatlar və qərarlar var və bunlar xalqı və mövqeləri qorumaq üçün ən qısa zamanda həyata keçirilməlidir. O, belə deyib:

"Ukraynada sanksiya işlərini də davam etdiririk. Bu gün, təəssüf ki, Rusiyanın silah istehsalına, xüsusilə də 'Shahed' dronlarının istehsalına ehtiyat hissələri verən Çin şirkətlərinə qarşı sanksiyalar paketi elan etdik. Bu barədə açıq sübutlar var. Bu detallar vurulmuş 'Shahed'lərin qalıqlarında mövcuddur. Bu məsələni tərəfdaşlarımızla da müzakirə edəcəyik ki, onların sanksiyaları Ukraynanın sanksiyaları ilə uyğunlaşdırılsın."