Azərbaycan News Agency

Zelenski bildirib ki, Rusiya Ukraynaya 101 pilotsuz uçuş aparatı göndərib və onların əksəriyyəti Rusiya-İran istehsalı olan “Shahed” tipli dronlar olub. Bir çox bölgənin hücumlardan zərər gördüyünü bildirən Zelenski, bu səhər də bir çox ərazidə hava həyəcan siqnallarının səsləndiyini qeyd edib.

Zelenski əlavə edib ki, son bir həftə ərzində Ukraynaya 1.270 PUA, 39 raket və təxminən 1.000 idarəolunan bomba atılıb. O, hava hücumundan müdafiənin hələ də əsas prioritet olduğunu vurğulayıb və yerli silah istehsalına, xüsusilə müdafiə dronlarının istehsalına yatırımların artırıldığını bildirib. Zelenski dəstək verən bütün beynəlxalq tərəfdaşlara təşəkkür edib.