Azərbaycan News Agency

Analitiklərin fikrincə, ABŞ ehtiyatlarındakı gözlənilməz artım, Rusiya ilə bağlı sanksiyaların mümkün təsirlərinə dair narahatlıqları üstələdi.

Amerika Neft İnstitutu (API) bildirib ki, keçən həftə ABŞ-ın xam neft ehtiyatları 4,4 milyon barel artaraq ardıcıl üçüncü dəfə yüksəlib. Bu məlumat təsdiqlənəcəyi təqdirdə, ehtiyatlar son beş aydan artıq müddətin ən yüksək səviyyəsinə çatacaq.

Rəqəmlər qlobal təklifin tələbi üstələyəcəyinə dair narahatlıqları artırıb. Beynəlxalq Enerji Agentliyi (IEA) də gələn il üçün neft ehtiyatlarında rekord həcmdə artıq təklif (artıq ehtiyat) proqnozlaşdırır. Vortexa-nın məlumatına görə, təklifin artdığının başqa bir işarəsi kimi, alıcılara göndərilmək və ya üzən anbarlarda saxlanılmaq üçün tankerlərdəki xam neftin həcmi keçən həftə təxminən 1,4 milyard barelə yüksəlib.

Bazar itkisini müəyyən dərəcədə məhdudlaşdıran amillərdən biri ABŞ-ın Rosneft və Lukoil şirkətlərinə tətbiq etdiyi sanksiyalardır ki, onlar bir neçə gün ərzində qüvvəyə minəcək. Bu gözlənti fonunda Asiyanın əsas alıcılarından bəziləri öz alımlarının bir qismini dayandırıb, Avropanın dizel bazarı isə möhkəmlənib.