Azərbaycan News Agency

İran XİN rəhbəri Araqçi və Braziliya XİN rəhbəri Vieira çərşənbə günü günortadan sonra keçirdikləri telefon danışığında ikitərəfli əlaqələri və beynəlxalq məsələləri müzakirə ediblər.

Tərəflər ikitərəfli münasibətlərin mövcud vəziyyətini nəzərdən keçirib, bütün qarşılıqlı maraq sahələrində əməkdaşlığın genişləndirilməsinin vacibliyini vurğulayıblar. Həmçinin beynəlxalq təşkilatlarda əməkdaşlığın gücləndirilməsinin əhəmiyyəti qeyd olunub.

Araqçi bəzi ölkələrin beynəlxalq qurumlardan inkişaf etməkdə olan ölkələrə təzyiq vasitəsi kimi istifadə etməsinin qarşısının alınmasının vacibliyini vurğulayıb. O, üç Avropa ölkəsinin Atom Enerjisi üzrə Beynəlxalq Agentliyin İdarə Heyəti iclasında İran əleyhinə qətnamə layihəsini qəbul etdirmək cəhdini “uyğunsuz addım” adlandırıb. Onun sözlərinə görə, bu addım məsuliyyətsiz, təxribatçı və ədalətsizdir və Avropa üçlüyü ilə ABŞ-ın BMT Təhlükəsizlik Şurasında apardığı siyasi yanaşmanın davamıdır və MAQATE-nin texniki etibarlılığını zəiflədir.

Araqçi MAQATE İdarə Heyətinin bütün üzvlərini bu qanunsuz təşəbbüsə qarşı çıxmağa çağırıb.

Tərəflər həmçinin diplomatik əməkdaşlığın davam etdirilməsinin, müntəzəm məsləhətləşmələrin aparılmasının və gələcək əməkdaşlıqlar üçün yol xəritəsinin müzakirəsinin əhəmiyyətini vurğulayıblar.