Azərbaycan News Agency

Nifty 50 İndeksi 26.284,2-yə, BSE Sensex İndeksi isə 86.026,18-ə çatıb. Hər iki indeks son dəfə 2024-cü ilin sentyabrında rekord səviyyəyə çatmışdı.

Yaponiyanın əsas göstəricisi Nikkei 225 texnologiya səhmlərinin liderliyi ilə 1,42% artıb, Topix İndeksi isə 0,64% yüksəlib. Ən çox qiymət artımı göstərənlər arasında Advantest (≈5%), texnologiya nəhəngi SoftBank (5%-dən çox) və Tokyo Electron (2,09%) yer alıb.

Cənubi Koreyanın Kospi İndeksi 1,05%, kiçik kapitalizasiyalı Kosdaq İndeksi isə 0,39% artıb. Koreya Bankı yerli valyutanın zəifləməsi və daşınmaz əmlak bazarının həddindən artıq qızması səbəbilə əsas faiz dərəcəsini ardıcıl dördüncü iclasda 2,5% səviyyəsində saxlayıb. Koreya vonu son aylarda ABŞ dolları qarşısında zəifləyərək apreldən bəri ən aşağı səviyyəyə düşüb.

Avstraliyanın S&P/ASX 200 İndeksi 0,42% artıb. Honq Konqun Hang Seng İndeksi açılışda 0,12% yüksəlib, materik Çinin CSI 300 İndeksi isə sabit qalıb.

Çin hökumətinin cümə axşamı açıqladığı məlumatlara görə, oktyabr ayında sənaye mənfəətləri keçən ilin eyni dövrü ilə müqayisədə 5,5% azalıb. İlın ilk 10 ayında isə mənfəətlər yanvar–sentyabr dövründəki 3,2% artımdan sonra illik 1,9% yüksəlib.

ABŞ-dakı əsas indekslər FED-in dekabrda faiz endirmək ehtimalına dair artan ümidlərlə ardıcıl dörd gün yüksəlib. Analitiklər çeyrek bənd faiz endirimi ehtimalını 85% qiymətləndirirlər; bu göstərici keçən həftə cəmi 30% idi.

Çərşənbə günü Dow Jones Sənaye İndeksi 314,67 bənd və ya 0,67% artaraq 47.427,12 səviyyəsində bağlanıb. S&P 500 0,69% artıb (6.812,61), Nasdaq Composite isə 0,82% yüksələrək 23.214,69-a çatıb.