Azərbaycan News Agency

Çərşənbə axşamı Rumıniya Müdafiə Nazirliyi Ukrayna sərhədinin Dunay hissəsində iki PUA hücumunun qeydə alındığını və vəziyyəti izləmək üçün dörd Eurofighter Typhoon və F-16 qırıcı təyyarəsinin göndərildiyini açıqlayıb. Nazirlik obyektlərin Tulça və Qalați bölgələrində radarla aşkarlandığını bildirib.

Nazir Radio Romania-ya deyib: “Bu PUA-ları məhv edə biləcək yeni bir sistem hazırlamışıq. Bu PUA-ların hava məkanımızı pozmasının qarşısını alacaq imkanları yerləşdirməyə artıq başlamışıq. Sistem sınaqdan keçirilib və tətbiqin son mərhələsindədir. Çox yaxın zamanda onu Dunay Deltasında görəcəksiniz.”

Daha əvvəl NATO hərbi rəsmilərinə istinad edən rumın HotNews nəşri bildirmişdi ki, söhbət ABŞ-ın yeni Merops sistemindən gedir. Bu sistem süni intellektdən istifadə edərək PUA-ları aşkar edir və zərərsizləşdirir, o cümlədən elektron maneə tətbiq edir. Sistem “PUA-ya qarşı PUA” prinsipi ilə işləyir və hədəf məlumatlarını aviasiya və quru qüvvələrinə ötürə bilir.

NATO həmçinin Rumıniya üzərində hava məkanının monitorinqini gücləndirib və əlavə erkən xəbərdarlıq sistemləri yerləşdirib.