Azərbaycan News Agency

Macarıstan Baş naziri Viktor Orban qeyd edib ki, Rusiya-Ukrayna müharibəsi Avropanı tarixi bir dönüm nöqtəsinə çatdırıb. O deyib ki, Avropa indi iki yol qarşısındadır və əlavə edib:

“Bu çıxılmaz vəziyyətdən geri dönüb, Brüssel bürokratları da daxil olmaqla, nəhayət Prezident Trampın sülh təşəbbüsi ətrafında birləşə bilərik. Bunun üçün müharibə tərəfdarları son 3,5 ildə avropalıların böyük zəhmətlə qazandığı pulları döyüş meydanında qazanılması mümkün olmayan bir müharibəyə xərclədikləri həqiqəti ilə üzləşməlidirlər.

Digər yol isə birbaşa müharibəyə aparır. Əgər Avropanın müharibə tərəfdarı liderləri ABŞ-ın dəstəyi olmadan Ukraynaya pul və silah axıtmağa davam etsələr, Avropa-Rusiya qarşıdurmasının yolunu açmış olarlar.”

Orban bildirib ki, Macarıstanın hansı yolu seçəcəyi barədə heç bir şübhə yoxdur və bu yolun sülh yolu olduğunu vurğulayıb.