Azərbaycan News Agency

Sibiha görüş zamanı Kanadanın Ukraynaya davamlı dəstəyinə görə nazir Anand’a təşəkkür edib.

O bildirib ki, görüşdə sülh səyləri, Ukraynanın ABŞ ilə apardığı son işlərin gedişi və qarşıdakı addımlar müzakirə olunub. “Biz hazırda güclü dinamika içindəyik və sülhü yaxınlaşdırmaq üçün hər bir imkandan istifadə edəcəyik. Sülh səylərimizi dəstəkləyən Kanadaya və bütün tərəfdaşlarımıza minnətdarıq,” – deyə Sibiha vurğulayıb.

Sibiha əlavə edib ki, Rusiyaya təzyiqi artıracaq addımlar, BMT-də gündəmə gətiriləcək qətnamə layihələri və Rusiyanın dondurulmuş aktivlərinin Ukraynanın müdafiəsi və bərpası üçün tam şəkildə istifadəsinə imkan verəcək mexanizmlər müzakirə olunub. “Nazir Anand’ın Ukraynaya göstərdiyi şəxsi diqqət və həmrəyliyə görə ona minnətdaram,” – deyə o bildirib.