Azərbaycan News Agency

Zelenski bildirib ki, Xarkov və ətraf ərazilərdə, həmçinin Odessa və Dnipro bölgələrində axtarış-xilasetmə və zərərin qiymətləndirilməsi işləri davam edir. O əlavə edib ki, Sumi və Çerniqov bölgələrində də komandalar intensiv şəkildə fəaliyyət göstərir.

Prezident qeyd edib ki, təkcə ötən gecə Ukraynaya 170-dən çox pilotsuz uçuş aparatı buraxılıb və onların ən azı yarısı “Şahed” tipli olub. Onun sözlərinə görə, son bir həftədə Rusiya təxminən min hücum PUA-sı, 980 idarəolunan aviasiya bombası və 36 müxtəlif tip raketdən istifadə edib.

Zelenski hər gecə çoxkomponentli hava hücumundan müdafiə sisteminə ehtiyac olduğunu vurğulayaraq deyib: “Hava hücumundan müdafiə sistemləri, qırıcı təyyarələr, mobil atəş qrupları və qarşılayıcı PUA-lar… Biz hər bir komponenti gücləndirmək üçün tərəfdaşlarımızla fəal işləyirik.”