Azərbaycan News Agency

Ukrayna Prezidenti Volodimir Zelenski qeyd edib ki, Yunanıstan Avropa və digər tərəfdaşlarla birgə çalışaraq sülh üçün zəruri şərtlərin yaradılmasına Ukraynaya dəstək olur.

Zelenski deyib ki, bu gün Ukraynaya qaz tədarükü barədə razılığa gəliblər və Yunanıstanın Baş naziri Kiryakos Mitsotakis ilə görüşdə bu qış dövrü üçün qaz tədarükünə dair Niyyət Məktubu imzalanıb. O əlavə edib:

“Bu gün Yunanıstanla əldə etdiyimiz razılaşmalar, Ukraynaya qaz tədarükünü təmin etmək üçün qışa hazırladığımız geniş enerji paketinin mühüm hissəsidir. Tədarüklər yanvar ayında başlayacaq. Sürətli tədarük razılaşması ilə yanaşı, uzunmüddətli razılaşmalar da mövcuddur.”