Azərbaycan News Agency

Çində bu il 1 oktyabrda başlayacaq Milli Gün və Payız Ortası Festivalı tətilinin birləşməsi ilə ümumilikdə 8 gündə 2,36 milyard səfərin baş tutacağı gözlənilir.

Çin Dövlət Şurasının Mətbuat Ofisi tərəfindən keçirilən mətbuat konfransında Nəqliyyat Nazirliyinin rəsmisi tətil planları barədə məlumat verib.

Rəsmiyə görə, 8 günlük tətil zamanı Çin üzrə bölgələrarası səfərlərin sayı 2,36 milyarda çatacaq. Qeyd olunub ki, gündəlik orta sərnişin sayı ötən ilin eyni dövrü ilə müqayisədə 3,2 % artaraq 295 milyona yüksələcək.

Bu tətil günlərində şəxsi avtomobillə səyahət edənlərin sayı 1,87 milyarda çatacaq ki, bu da ümumi səfərlərin təxminən 80 %-ni təşkil edir.