Azərbaycan News Agency

Çinin elm və texnologiya yatırımlarının tarixi səviyyələrə çatdığı elan olunub.

Çin Dövlət İnformasiya İdarəsinin təşkil etdiyi mətbuat konfransında 14-cü Beşillik Plan dövründə (2021–2025) elm və texnologiya sahəsində əldə olunan nailiyyətlər qiymətləndirilib.

Bəyanata görə, bu dövrdə tədqiqat və inkişaf (T&İ) yatırımları davamlı olaraq artıb. 2024-cü ildə ölkə üzrə ümumi T&İ xərcləri 3,6 trilyon yuanı ötüb. Bu rəqəm 2020-ci illə müqayisədə 48% artım deməkdir, T&İ xərclərinin ÜDM-dəki payı isə 2,68%-ə yüksələrək Avropa Birliyi ortalamasını geridə qoyub. Çin həm də T&İ sahəsində işləyənlərin sayına görə dünya lideri olub.

Əsas tədqiqatlara ayrılan vəsait 249,7 milyard yuana qalxaraq 2020-ci illə müqayisədə 70%-dən çox artım göstərib. Bundan əlavə, yüksək təsir faktoruna malik jurnallarda dərc olunan məqalələrin sayı və beynəlxalq patent müraciətləri üzrə Çin beş il ardıcıl dünya liderliyini qoruyub.