Azərbaycan News Agency

Yermak bildirib ki, Avstraliya hökuməti Rusiya neftinə tətbiq olunan qiymət tavanını barel başına 60 dollardan 47,60 dollara endirmək qərarı verib və Ukraynanın bu addıma görə minnətdar olduğunu vurğulayıb.

Onun sözlərinə görə, bu addım Rusiya neftinin bazar dəyərini azaldacaq və Rusiyanın hərbi-sənaye kompleksini maliyyələşdirmək üçün istifadə etdiyi enerji satış gəlirlərini daha da daraldacaq.

“Bundan əlavə, Avstraliya, Rusiyanın sanksiyalardan yayınmaq üçün istifadə etdiyi guya ‘kölgə donanması’na aid 95 gəmini sanksiyalar siyahısına salıb. Ümumilikdə 150-dən çox gəmi artıq Avstraliyanın sanksiyaları altındadır. Belə yayınma mexanizmləri yalnız Rusiyanın müharibəsini maliyyələşdirmir, həm də ciddi ekoloji və dəniz təhlükələri yaradır.”

Yermak bildirib ki, bu qərar Avropa İttifaqı, Böyük Britaniya, Kanada, Yaponiya və Yeni Zelandiya ilə koordinasiya olunmuş şəkildə qəbul edilib: “Bu, Rusiyanın müharibə maşınına sistematik şəkildə ‘oksigen kəsən’ birləşmiş sanksiyalar koalisiyasını daha da gücləndirir.”