Azərbaycan News Agency

Baqayi etnik təmizləmənin dərhal dayandırılmasına və İsrailin cəzasızlığına son qoyulmasına çağırdı, bu cinayətləri törədənlərin mühakimə olunub cəzalandırılmasının vacibliyini vurğuladı.

Qəzza və İordan çayının qərb sahilində müdafiəsiz fələstinlilərə qarşı İsrailin misilsiz vəhşiliyinə toxunan sözçü, son günlər yüzlərlə insanın şəhid və yaralanması ilə nəticələnən, məcburi köçkünlər üçün müvəqqəti sığınacaqlara və Qəzzadakı səhiyyə mərkəzlərinə edilən hücumları kəskin şəkildə pislədi.

Baqayi qeyd etdi ki, İsrail vasitəçilərin atəşkəs sazişi əldə etmək səylərinə mane olduqdan sonra qeyri-qanuni tələblərini irəli sürmək və Qəzza sakinlərini məcburi köçkünə çevirmək məqsədilə cinayətkar hücumlarını artırıb.

O, bütün hökumətlərin və BMT baş katibinin soyqırımın dayandırılması və İsrailin Qəzza və İordan çayının qərb sahilində törətdiyi insanlığa qarşı cinayətlərə və müharibə cinayətlərinə son qoymaq üçün hüquqi və mənəvi məsuliyyət daşıdığını vurğuladı.