Azərbaycan News Agency

Fon der Leyen xatırladıb ki, Global Gateway proqramı başladığı vaxt Afrika üçün 150 milyard avroluq investisiya hədəfi qoyulmuşdu və dörd il sonra bu hədəfə doğru ciddi irəliləyiş əldə olunduğunu qeyd edib.

O deyib: “Afrika üçün Global Gateway-i başladığımız zaman məqsədimiz qitəyə 150 milyard avro sərmayə yatırmaq idi. Dörd il sonra bu hədəfi aşmaq istiqamətində inamla irəliləyirik.” O həmçinin bildirib ki, indiyədək Afrikaya 120 milyard avroluq investisiya həyata keçirilib və yeni sərmayələr yoldadır.

Fon der Leyen vurğulayıb ki, bu investisiyalar qitə üzrə yaxşı və davamlı məşğulluq imkanları yaradacaq: “Bu sərmayələr yerli inkişafı dəstəkləyəcək və yaxşı, yerli iş imkanları təmin edəcək.”