Azərbaycan News Agency

IDF-in açıqlamasına görə, İsrail Müdafiə Qüvvələri Hərbi Kəşfiyyat İdarəsinin göstərişi ilə Cənubi Livanın müxtəlif bölgələrində “Hizbullah” terror təşkilatına aid obyektləri hədəfə alıb.

Əməliyyat çərçivəsində təşkilatın silah saxladığı çoxsaylı buraxılış nöqtələrinə, bir silah anbarına, IDF qüvvələrinə qarşı hücumların planlaşdırıldığı hərbi mövqelərə və digər terror infrastruktur nöqtələrinə zərbələr endirilib.

Açıqlamada bildirilib: “Terror təşkilatı Hizbullahın bu bölgələrdə infrastruktur və fəaliyyətlərinin mövcudluğu İsrail və Livan arasındakı anlaşmaların pozulması deməkdir. IDF İsrail Dövlətinə qarşı hər cür təhdidi aradan qaldırmaq üçün əməliyyatlarını davam etdirəcək və İsrail ilə Livan arasında əldə olunmuş anlaşmalara sadiq qalacaq.”