Azərbaycan News Agency

Təxminən bir ay əvvəl Tramp və Si Cənubi Koreyada görüşmüş və ticarət, Rusiyanın Ukraynanı işğalı, fentanil və Tayvan kimi məsələləri müzakirə etmişdilər.

Tramp Truth Social-da yazdı: “Çinlə münasibətlərimiz son dərəcə güclüdür!”

Çinin rəsmi xəbər agentliyi bildirib ki, hər iki ölkə “bərabərlik, hörmət və qarşılıqlı fayda əsasında düzgün istiqamətdə irəliləməyi və mövcud dinamikanı qorumağı davam etdirməlidir”.

Liderlər oktyabr ayında Cənubi Koreyanın Busan şəhərində görüşüb və daha sonra gömrük rüsumları ilə bağlı bir növ atəşkəsə nail olublar. ABŞ fentanilin axınını azaltmağı hədəfləyən 20 faiz gömrük rüsumunu yarıya endirmək qərarı verib.

Çin mallarına tətbiq olunan rüsumlar qüvvədə qalmağa davam edir və orta hesabla 50 faizdən bir qədər aşağıdır.

Çinin açıqlamasında deyilir: “Həmin vaxtdan bəri Çin-ABŞ münasibətləri ümumilikdə sabit və müsbət bir xətt üzrə davam edib və bu, hər iki ölkə, həmçinin beynəlxalq ictimaiyyət tərəfindən müsbət qarşılanıb.”