Azərbaycan News Agency

Aİ aviaşirkətləri qarşıdakı ay ərzində Livan və İsrail hava məkanından istifadə etməmələri barədə xəbərdar edib.

Avropa Komissiyası və Avropa Aviasiya Təhlükəsizliyi Agentliyinin (EASA) bəyanatında qeyd olunub ki, "hava hücumları ümumilikdə intensivləşib və təhlükəsizlik vəziyyəti pisləşib". "Livan və İsrail hava məkanlarında bütün uçuş səviyyələrində əməliyyatların aparılmaması" barədə rəsmi tövsiyə verilib.

Müvəqqəti olaraq 31 ok tyabr 2024-cü il tarixinədək qüvvədə olacaq Münaqişə Zonası Məlumat Bülleteni (CZIB) "daha tez yenidən nəzərdən keçirilə, uyğunlaşdırıla və ya geri götürülə bilər".

Bəyanatda əlavə edilib ki, EASA təhdidin inkişafı nəticəsində Aİ təyyarə operatorları üçün risklərin artıb-artmadığını qiymətləndirmək üçün vəziyyəti yaxından izləməyə davam edəcək.