Azərbaycan News Agency

Aİ Komissiyası Myanmada davam edən silahlı münaqişələrdən zərər çəkmiş əhali və qonşu ölkələrdə yaşayan rohinca qaçqınlarına dəstək məqsədilə ümumilikdə 63 milyon avro humanitar yardım ayırıb.

Dəstək Aİ-nin Cənubi və Cənub-Şərqi Asiya üçün 2026-cı il üzrə ilk yardım paketinin bir hissəsi kimi elan edilib.

Myanma üçün ayrılan 38,6 milyon avronun ərzaq yardımı, sığınacaq, təmiz su və sanitariya, səhiyyə xidmətləri, mina riskləri üzrə maarifləndirmə və fövqəladə hallarda təhsil sahələrində istifadə olunması planlaşdırılır. Banqladeşə ayrılan 23,4 milyon avro isə əsasən Cox’s Bazar bölgəsində olmaqla, ölkədəki təxminən 1,2 milyon rohinca qaçqını və ev sahibi icmaları dəstəkləyəcək.

Regional ehtiyaclara uyğun olaraq əlavə 1 milyon avro Hindistan, İndoneziya, Malayziya və Taylanddakı qaçqınlar və ev sahibi icmalar üçün həyat qurtaran yardımların göstərilməsinə ayrılıb.