Azərbaycan News Agency

Əmtəə bazarlarında yeni ticarət günündə qarışıq dinamika müşahidə olunur.

2026-cı ilin dekabr fyuçersli qızılın unsiyası 0,29 faiz azalaraq 4 min 454,70 dollardan ticarət olunub və gün ərzində 4 min 449,75-4 min 508,97 dollar aralığında hərəkət edib.

2026-cı ilin sentyabr fyuçersli gümüşün unsiyası 0,15 faiz azalaraq 65,60 dollara enib. Gümüşün gün ərzində ən aşağı səviyyəsi 65,08 dollar, ən yüksək səviyyəsi isə 66,445 dollar olub.

Neft qiymətlərində də məhdud azalma müşahidə olunub. 2026-cı ilin sentyabr fyuçersli WTI nefti 0,20 faiz azalaraq 83,10 dollara geriləyib, 2026-cı ilin oktyabr fyuçersli Brent nefti isə 0,09 faiz azalma ilə 88,90 dollardan ticarət olunub.

2026-cı ilin sentyabr fyuçersli mis müqaviləsi 0,72 faiz dəyər itirərək 6,5603 dollara geriləyib.

2026-cı ilin sentyabr fyuçersli təbii qaz müqaviləsi 0,21 faiz azalaraq 2,789 dollara enib, istilik yanacağı isə 0,19 faiz artaraq 4,2905 dollara yüksəlib.

Kənd təsərrüfatı əmtəələrində ABŞ soya paxlasının 2026-cı ilin noyabr fyuçersli müqaviləsi 0,11 faiz azalaraq 1.182 dollara, ABŞ buğdasının 2026-cı ilin sentyabr fyuçersli müqaviləsi isə 0,06 faiz azalaraq 652,60 dollara enib.

2026-cı ilin sentyabr fyuçersli RBOB benzin müqaviləsi isə 0,03 faiz artaraq 3,1548 dollara yüksəlib.