Azərbaycan News Agency

Tatarın səsvermədən sonra çıxışından əsas məqamlar:

“Harada yaşamasından asılı olmayaraq, istər ana vətən Türkiyədə, istər İngiltərədə, istər Avstraliyada və ya dünyanın hər hansı yerində olsun, bütün soydaşlarımıza buradan, Şimali Kipr Türk Respublikasından salamlarımı göndərirəm. Dövlətimiz bizim üçün çox böyük məna daşıyır.”

“Bura mənim ibtidai məktəbimdir. Bu məktəbdə səs vermək mənim üçün xüsusi mənaya malikdir. Xalqımızı bir daha təbrik edirəm. Bu mübarizədə çox yol qət etmişik.”

“Vətəndaşlarımıza müraciət edirəm: hər kəs seçkiyə gedərək iradəsini göstərməlidir. Mən gözləyirəm ki, xalqımız seçkilərdə iştirak edəcək, səsini verəcək və gələcəyimiz üçün öz iradəsini ortaya qoyacaq.”

“Son 5 ildə çox mühüm işlər görmüşəm. Türkiyə Respublikasının Prezidenti Rəcəb Tayyib Ərdoğanın, Türkiyə hökumətinin və bütün Türkiyə qurumlarının dəstəyini gördüm. Bu mübarizəni təkbaşına aparmaq mümkün olmazdı. Ona görə də ana vətənim Türkiyəyə, Prezidentə, hökumət rəsmilərinə və qeyri-hökumət təşkilatlarına dərin təşəkkürümü bildirirəm.”

“İnanıram ki, son 5 ildə biz Şimali Kipr Türk Respublikasını bütün dünyaya tanıtmaq imkanı qazandıq.”