Braziliyada turist avtobusu qəzasında azı 17 nəfər həlak olub
Stokholm, 19 oktyabr (Hibya) – Braziliyanın şimal-şərqində turist avtobusu qarşı zolağa çıxaraq səddə çırpılıb və aşıb. Nəticədə azı 17 nəfər ölüb, çox sayda insan yaralanıb.
Polis bildirib ki, qəza 18 oktyabr şənbə günü baş verib, hadisə zamanı avtobusda təxminən 30 sərnişin olub. Yaxınlıqdakı xəstəxanalara aparılan yaralıların sayı hələ məlum deyil.
Brumado şəhərinə gedən avtobus Pernambuco ştatının Saloa şəhərində qəzaya düşüb. Polis rəisi Lusiano Holanda nəqliyyat vasitəsini “turist avtobusu” kimi təsvir edib.
Polisin məlumatına görə, sürücü avtobusa nəzarəti itirib, qarşı zolağa keçib və yol kənarındakı qaya parçalarına dəyib. Daha sonra öz zolağına qayıtsa da, qum səddinə çırpılıb və bu da avtobusun aşmasına səbəb olub.
Bəzi sərnişinlər təhlükəsizlik kəməri taxmadıqları üçün avtobus aşarkən yola düşüblər.
Qəza baş verəndə avtobus Bahia ştatının mərkəzindəki Brumadodan Pernambuco ştatının Agreste bölgəsindəki Santa Cruz do Capibaribe şəhərinə qayıdırdı.
Azərbaycan İnformasiya Agentliyi
Facebook
Tweeter
Whatsapp
