Azərbaycan News Agency

Kreml sözçüsü Dmitri Peskov bugünkü brifinqdə bildirib: “Əsas parametrlər təqdim olunub və gələn həftə Moskvada müzakirə ediləcək.”

Peskov əvvəllər ABŞ-ın Ukrayna üzrə hazırladığı layihə planının daha geniş danışıqlar üçün yaxşı baza ola biləcəyini demişdi.

26 noyabrda CNN xəbər verdi ki, Ukrayna, ABŞ administrasiyasının münaqişənin həlli üçün hazırladığı və Rusiya tərəfindən həyati vacib hesab edilən sülh planının üç əsas maddəsini rədd edib. Məlumata görə, Kiyevin rədd etdiyi ilk maddə Donbas əraziləri ilə bağlı olub. “Müəyyən irəliləyiş” əldə edilsə də, mətnin hələ yekunlaşmadığı bildirilib.

Bundan bir gün əvvəl Rusiya Prezidenti Vladimir Putin Qırğızıstana rəsmi səfərdən sonra jurnalistlərə bildirib ki, Cenevrə görüşündən sonra Rusiyadan təkliflər alıb. ABŞ-ın 28 maddəlik planının daha ətraflı müzakirə üçün dörd ayrı komponentə bölünməli olduğu qeyd edilib.