Azərbaycan News Agency

Fon der Leyen toplantıdan sonra iki əsas prioriteti vurğuladığını bildirib.

O deyib: “Prezident Zelenskiyə və iclasda iştirak edən liderlərə iki əsas prioritetimizi çatdırdım: Ukraynaya dəstək və Avropanın müdafiə hazırlığının artırılması.”

Maliyyə yardımının əhəmiyyətinə toxunan Leyen bildirib: “Maliyyə dəstəyi Ukraynanın həyatda qalmasına kömək edəcək və Avropa müdafiəsi üçün həyati addımdır.”

Rusiyaya artan təzyiqlə bağlı o deyib: “Sanksiyalarımızın Rusiyanın müharibə iqtisadiyyatına ciddi təsirinin fərqindəyik.”

O əlavə edib: “Putin müharibəni nə qədər çox davam etdirərsə, qan tökərsə, can alarsa və Ukraynanın infrastrukturunu dağıdarsa, Rusiyanın xərcləri bir o qədər yüksək olacaq.”

Avropa müdafiəsinə dair Leyen qeyd edib: “Üzv dövlətlərin təqdim etdiyi SAFE planlarını nəzərdən keçiririk; təqdim olunan 19 planın 15-də Ukrayna yer alır.”

Rusiyanın mövqeyi ilə bağlı isə o deyib: “Rusiya dəfələrlə aldatmağa çalışır və vaxt qazanır. Guya sülh istəyirmiş kimi davranaraq diplomatiyanı məsxərəyə qoyur.”