Azərbaycan News Agency

ABŞ Prezidenti Donald Tramp NATO-nun Baş katibi Mark Rutte ilə Oval Ofisdə keçirdiyi görüşdən sonra jurnalistlərin suallarını cavablandırıb.

Görüşdə Türkiyə, NATO və Rusiya-Ukrayna müharibəsi ilə bağlı qiymətləndirmələr aparan Tramp Prezident Rəcəb Tayyib Ərdoğan haqqında tərif dolu fikirlər səsləndirib.

Tramp Ərdoğan haqqında deyib: “Möhtəşəm liderdir, çox güclü şəxsiyyətdir. Türkiyəni sevir və çox yaxşı iş görür. Mən də Türkiyəni sevir və ona hörmət edirəm.”

Ərdoğanın NATO daxilindəki roluna diqqət çəkən Tramp bildirib ki, Türkiyə alyansla güclü əməkdaşlıq aparır və əlavə edib: “Türkiyə NATO-nun güclü üzvlərindən biridir.”

Müdafiə sənayesi və əməkdaşlıq məsələlərinə də toxunan Tramp Türkiyəyə bəzi müdafiə sistemləri və mühərriklərin satışı ilə bağlı qiymətləndirmələr aparıldığını bildirərək, “Yəqin ki, Türkiyəni məmnun edəcək bəzi addımlar atacağam” deyib.

Rusiya-Ukrayna müharibəsinə də toxunan Tramp Ukrayna Prezidenti Volodimir Zelenskinin güclü liderlik nümayiş etdirdiyini bildirib, müharibənin itkilərinə diqqət çəkərək “Müttəfiqlər daha cəsarətli olmalıdırlar” fikrini səsləndirib.