Azərbaycan News Agency

ABŞ Prezidenti Donald Tramp açıqlamasında İran İslam Respublikası ilə aparılan danışıqlar nəticəsində razılığın əldə olunduğunu və prosesin tamamlandığını bəyan edib.

Tramp bildirib ki, qlobal dəniz daşımaları üçün kritik əhəmiyyət daşıyan Hörmüz boğazı sərbəst keçid üçün açılıb və bölgədəki ticarət gəmiləri normal fəaliyyət rejiminə qayıdacaq.

Açıqlamada həmçinin dəniz əməliyyatları ilə bağlı məhdudiyyətlərin ləğv edildiyi və “neft axınının yenidən başlamasının” vacibliyi vurğulanıb. Tramp sazişi “beynəlxalq ticarət üçün mühüm inkişaf” kimi qiymətləndirib.

Proseslə bağlı rəsmi təfərrüatlar hələ tam dəqiqləşməsə də, sazişin diplomatik təmaslar nəticəsində əldə olunduğu bildirilib.