Azərbaycan News Agency

Xarici İşlər Nazirliyinin rəsmiləri bildiriblər ki, Rusiyanın davam etdirdiyi müharibə həm mülki əhaliyə, həm də bölgənin şəhər toxumasına ciddi ziyan vurur.

Nazirliyin açıqlamasında belə deyilir: “Rusiya təbliğatı buna ‘azad etmə’ adını verir, amma gerçəklik tam əksidir: mövcudluğun, normal həyatın, hətta bir evə sahib olmaq imkanının belə ortadan qaldırılması. Rusiyanın yerlə-yeksan etdiyi şəhərlərin əksəriyyəti Ukraynanın şərqində, ölkəmizin Donetsk və Luqansk bölgələrində yerləşir. Bir zamanlar həyətlə dolu olan bu şəhərlərin çoxu indi tamamilə boşdur.”

Ukrayna qeyd edib ki, özü və beynəlxalq tərəfdaşları sülhün əldə edilməsi üçün səylər göstərir, lakin bu il dağıdılan şəhərlərin sayı artıb. Açıqlamada vurğulanır: “Rusiya bu müharibənin davam etməsinin yeganə səbəbi olaraq qalır və sülhə aparan hər yolu qəsdən bağlayır. Dünya bunu qəbul edə bilməz. Biz hamımız birlikdə müharibəyə son qoymalı, Rusiyanı dayandırmalı və bu cür dağıntıların bir daha heç vaxt baş verməməsini təmin etməliyik.”