Azərbaycan News Agency

Danimarkanın keçmiş müdafiə naziri Tomas Ahrankyel bildirib ki, kiçik ölkələr artıq “qaydalara əsaslanan dünya düzənindən daha çox, meşə qanunlarının keçərli olduğu bir dünyanı görürlər”.

Hesabatda qeyd olunur ki, ABŞ “iqtisadi və texnoloji gücünü, o cümlədən müttəfiqlərinə və tərəfdaşlarına qarşı təsir vasitəsi kimi istifadə edir”.

Ahrankyel Berlingske-yə müsahibəsində bildirib ki, hazırkı təhdid mühiti “soyuq müharibə bitdikdən bəri ən ciddi vəziyyətdir”.

ABŞ-la yanaşı, Rusiya və Çin də Danimarkanın təhlükəsizliyi üçün təhdid kimi göstərilir.

TV2-nin müdafiə müxbiri Anders Lomholdt bildirib ki, bu, ABŞ prezidenti Donald Trampın son on ayda verdiyi açıqlamaların nə qədər ciddi qəbul edildiyini göstərir.

O deyib: “Bu, böyük xarici siyasət böhranıdır. Təhdid qiymətləndirməsində açıq şəkildə yazılır ki, xarici təhdidlərdən danışanda ABŞ Çin və Rusiya ilə eyni sətrdə və eyni cümlədə qeyd olunur”.

Hesabatda həmçinin vurğulanır ki, ABŞ “iqtisadi və texnoloji gücünü hətta müttəfiqlərinə qarşı da təzyiq vasitəsi kimi istifadə edir”.

Keçən həftə ABŞ-ın yeni təhlükəsizlik strategiyası təqdim olunub və bu sənəd Avropanın vəziyyətinin son dərəcə ağır olduğunu və istiqamət dəyişməsinin zəruri olduğunu iddia etdiyi üçün böyük rezonans doğurub.

Strategiyaya görə, Avropa “ifadə azadlığı və siyasi azadlıqların təzyiq altında olduğu”, insanların “milli kimlik və özünə inamlarını itirdiyi” və miqrasiya ilə bağlı siyasi fəaliyyətsizlik səbəbindən parçalanmaların yarandığı bir məkandır.

Çoxsaylı tənqidlərə baxmayaraq, ABŞ Avropanı hələ də müttəfiq hesab edir.