Azərbaycan News Agency

Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Əl Sani Birləşmiş Millətlər Təşkilatının Baş Assambleyasının 81-ci sessiyası çərçivəsində keçirilən Körfəz Əməkdaşlıq Şurası (KƏŞ) Xarici İşlər Nazirlərinin Koordinasiya Toplantısında iştirak edib.

Qətər Xarici İşlər Nazirliyinin açıqlamasına görə, Nyu-Yorkda keçirilən toplantıda KƏŞ-ə üzv ölkələrin xarici işlər nazirləri iştirak ediblər.

Toplantıda KƏŞ ölkələri arasında əməkdaşlığın və birgə koordinasiyanın gücləndirilməsi yolları müzakirə olunub. Həmçinin regiondakı son hadisələr qiymətləndirilib, gərginliyin azaldılması, təhlükəsizliyin və sabitliyin təmin edilməsi istiqamətində diplomatik səylər və birgə koordinasiya nəzərdən keçirilib.