Azərbaycan News Agency

Elazığda 2026-cı il oktyabrın 19-dan 23-dək Beynəlxalq Su Məhsulları Zirvəsi keçiriləcək. “Fəratdan dünyaya, ticarətin yeni marşrutu” şüarı ilə təşkil olunacaq zirvə sektor nümayəndələrini və investorları bir araya gətirəcək.

Zirvənin açılış mərasimi oktyabrın 20-də, çərşənbə axşamı günü saat 10:00-da Akgün hotelində keçiriləcək. Tədbirdə 19 ölkədən nümayəndələrin iştirakı gözlənilir. Proqrama müəssisələr arasında ikitərəfli işgüzar görüşlər (B2B), investisiya imkanları, beynəlxalq əməkdaşlıq və texniki səfərlər daxildir.

ANASUMDER, Elazığ Şəhər Şurası və Aqua Life of Türkiye Publishing Group-un əməkdaşlığı ilə təşkil olunan zirvənin məqsədi Fərat hövzəsinin su məhsulları potensialını və Elazığın istehsal gücünü beynəlxalq səviyyədə tanıtmaqdır.

Beş gün davam edəcək tədbirin su məhsulları sektorunda yeni bazarların yaradılmasına və ticarət əməkdaşlığının inkişafına töhfə verməsi nəzərdə tutulur.