Azərbaycan News Agency

Fransa Prezidenti Emmanuel Makron Belçika Baş naziri Bart De Vever ilə görüşdən sonra bildirib ki, Avropa İttifaqı böyük çağırışlar qarşısında birlikdə hərəkət etməlidir. O, görüşü "çox yaxşı fikir mübadiləsi" kimi qiymətləndirib və hər iki ölkənin suverenlik, təhlükəsizlik və rəqabət qabiliyyətini artırmaq istiqamətində ortaq qətiyyətini təkrar vurğulayıb.

Makron Ukraynadakı müharibə ilə bağlı deyib: “Məqsədimiz aydındır: tam və davamlı atəşkəsə nail olmaq və Ukraynanın və Avropanın maraqlarına uyğun möhkəm sülh sazişi qurmaq.” O bildirib ki, bu istiqamətdə 27 martda Parisdə başlanan könüllülər koalisiyası çərçivəsində Belçika və digər tərəfdaşlarla işlər davam etdirilir.