Azərbaycan News Agency

Bazar qeydlərində Stil yazıb: “2026-cı ilin ilk yarısında qiymətlərin unsiya üzrə təxminən 5 000 dollar səviyyəsində ticarət olunacağını gözləyirik. Lakin 2026-cı il irəlilədikcə artım tempi zəifləyə bilər”. O, dəyişkənliyin davam edəcəyini və kəskin enişlərin mümkün olduğunu bildirsə də, yaxın müddətdə güclü dəstəyin mövcud olduğunu vurğulayıb.

Stil xatırladıb ki, qızıl 2025-ci ilin dekabr ayının sonunda unsiya üzrə 4 548 dollarla rekord səviyyəyə çatıb və bu impulsun 2026-cı ilin əvvəlində qiymətləri daha da yuxarı çəkə biləcəyini bildirib. Onun sözlərinə görə, bu artım təhlükəsiz liman axınları, siyasi qeyri-müəyyənlik və zəif ABŞ dolları ilə dəstəklənir.

Analitik geosiyasi gərginliklərin mühüm amil olaraq qaldığını, Ukraynada davam edən müharibə, ABŞ xarici siyasətində dəyişikliklər, ABŞ-Çin rəqabəti və Yaxın Şərqdəki münaqişələrin tələbi dəstəklədiyini qeyd edib.

Stilin fikrincə, hər hansı eskalasiya qiymətləri daha da artıra bilər, lakin gərginliyin əhəmiyyətli dərəcədə azalması ilin sonrakı dövrlərində qızıl qiymətlərinin düşməsinə səbəb ola bilər. O əlavə edib ki, ABŞ-da və digər inkişaf etmiş iqtisadiyyatlarda dövlət borcunun artması investorları qızılla riskdən qorunmağa yönəldir.

Stil əlavə edib ki, geosiyasi risklər və dollardan uzaqlaşma tendensiyası səbəbindən mərkəzi bankların alışlarının 2026-cı ildə də dəstəkləyici qalacağı gözlənilir, lakin qiymətlərin yüksəlməsi son illərdə müşahidə olunan fövqəladə yüksək səviyyələrlə müqayisədə alışların bir qədər azalmasına səbəb ola bilər.