Azərbaycan News Agency

İsrail Müdafiə Qüvvələrinin açıqlamasında HƏMAS-ın hərbi qanadında fəaliyyət göstərən Adi Adli Abd Alaanın Qəzza zolağının cənubunda həyata keçirilən hava zərbəsi nəticəsində öldürüldüyü bildirilib.

Açıqlamada həmin şəxsin son dövrdə İsrail əsgərləri və vətəndaşlarına qarşı hücum planlarını irəli apardığı və HƏMAS-ın imkanlarını yenidən bərpa etməyə çalışdığı iddia edilib.

İsrail ordusu əməliyyatın atəşkəsin sistemli şəkildə pozulduğunu əsas gətirərək mövcud təhlükəni aradan qaldırmaq məqsədilə həyata keçirildiyini bildirib. Açıqlamada həmçinin İsrail ordusunun Cənub Komandanlığına tabe qüvvələrin razılaşma çərçivəsində bölgədə yerləşdirildiyi və fəaliyyətlərini davam etdirəcəyi qeyd olunub.