Azərbaycan News Agency

Bildirilir ki, Çində İstehsal Satınalma Menecerləri İndeksi (PMI) sentyabr ayında əvvəlki ayla müqayisədə 0,4 bənd artaraq 49,8%-ə çatıb və ardıcıl olaraq ikinci ayda da yüksəlməyə davam edib.

Çinin Dövlət Statistika Bürosu və Çin Logistika və Satınalma Federasiyası bu gün Satınalma Menecerləri İndeksini birgə dərc ediblər.

Avadanlıq İstehsalı PMI-ı sentyabrda əvvəlki ayla müqayisədə 1,4 bənd artaraq 51,9%-ə çatıb və İstehlak Malları İstehsalı PMI-ı isə 1,4 bənd yüksələrək 50,6%-ə çatıb.

Bildirilib ki, böyük müəssisələr sentyabr ayında sabit artım tendensiyasını qoruyub saxlayıblar, kiçik müəssisələrin PMI-ı isə avqustla müqayisədə 1,6 bənd artıb.

Qeyri-istehsal Biznes Fəaliyyəti İndeksi sentyabr ayında 50% təşkil edib, Xidmət Sektoru Biznes Fəaliyyəti İndeksi 50,1%-ə çatıb, Tikinti Sektoru Biznes Fəaliyyəti İndeksi isə 0,2 bənd artaraq 49,3%-ə yüksəlib.