Azərbaycan News Agency

Niderlandın Baş naziri Rob Jetten Nazirlər Kabinetinin iclasından sonra keçirdiyi həftəlik mətbuat konfransında hökumətin müxalifətlə danışıqları barədə fikirlərini bölüşüb.

Jetten hökumətin müxalifətin həm sağ, həm də sol cinahında yer alan qüvvələrə yeni və cəlbedici təklif təqdim edəcəyini bildirib. Hər iki tərəf üçün təklif çərçivəsində nəzərdən keçirilə biləcək məsələlərin olduğuna inandığını deyən Jetten azot emissiyaları, elektrik şəbəkəsindəki sıxlıq, təhlükəsizlik, mənzil çatışmazlığının aradan qaldırılması və iqtisadiyyatın gələcəyi ilə bağlı hədəflərdə sürətli irəliləyiş əldə etmək istədiklərini bildirib.