Azərbaycan News Agency

Moldova Xarici İşlər Nazirliyi Şimali Makedoniya xalqını Müstəqillik Günü münasibətilə təbrik edib. Nazirlik Moldovanın iki ölkə arasındakı dostluğa və ortaq Avropa hədəflərinə önəm verdiyini bildirib. Şimali Makedoniyanın Avropa İttifaqına inteqrasiya təcrübəsini bölüşməyə hazır olmasından məmnunluq ifadə olunub və hər iki ölkənin ortaq məqsədinin Aİ-yə üzvlük olduğu qeyd edilib.

Nazirlik həmçinin Andorra xalqını Milli Günü münasibətilə təbrik edib. Açıqlamada Moldova ilə Andorra arasında diplomatik münasibətlərin qurulmasının 30-cu ildönümünə diqqət çəkilib. Münasibətlərin qarşılıqlı etimad, ortaq demokratik dəyərlər və beynəlxalq hüquqa hörmət əsasında qurulduğu bildirilib, ikitərəfli münasibətlərin və çoxtərəfli platformalardakı əməkdaşlığın daha da gücləndirilməsi arzulanıb.