Azərbaycan News Agency

Netanyahu, Mileinin İsrailə ünvanladığı səmimi və isti sözlərə görə minnətdarlığını bildirib və iki ölkə arasındakı əlaqələrin daha da güclənəcəyini qeyd edib. O deyib ki, Mileinin sözləri “Argentinadan Qüdsə qədər səslənib və hər bir israillinin qəlbinə toxunub”.

Baş nazir Mileinin “mənəvi aydınlıq, vizyon və cəsarət” göstərdiyini vurğulayıb və bunun İsrail ilə Latın Amerikası arasında sağlam düşüncə, ortaq maraqlar və ortaq dəyərlərə əsaslanan yeni bir dövrün əlaməti olduğunu söyləyib.

Netanyahu ABŞ Prezidenti Donald Trampın rəhbərliyi altında aparılan əməkdaşlığa da toxunub və münasibətləri daha yüksək səviyyəyə qaldıracaqlarını bildirib. O, azadlığa, təhlükəsizliyə və rifaha inanan Latın Amerikasındakı bütün dost ölkələri “İshaq Razılaşmalarına” qoşulmağa çağırıb.