Azərbaycan News Agency

Şoyqu bazar ertəsi Əfqanıstana səfər edərək ölkənin yüksək səviyyəli rəhbərləri ilə görüşlər keçirdi. Baş nazir müavinləri və nazirlərlə keçirilən dörd mərhələli danışıqlarda iqtisadiyyat, nəqliyyat və təhlükəsizlik məsələləri müzakirə edildi.

Şoyqu dedi: “Biz Rusiya ilə Əfqanıstan arasında bir çox sahədə ikitərəfli əməkdaşlığı genişləndirmək niyyətindəyik. Ölkələrimiz arasında konstruktiv siyasi dialoqun qurulmasına, o cümlədən Əfqanıstanda daxili həll prosesinin sürətləndirilməsinə hazır olduğumuzu təsdiqləyirik.”

Şoyquya görə, Rusiya tərəfi hesab edir ki, Əfqanıstanın sabit və müstəqil dövlət kimi qurulması regiondakı bütün dövlətlərin maraqlarına uyğundur. O vurğulayıb ki, Rusiya Kabilin regional qurumlara və birliklərə inteqrasiyasını dəstəkləməyə davam edəcək.

Yüksək səviyyəli təhlükəsizlik rəsmisi əlavə edib: “Bu addım yalnız terrorizm, narkotik qaçaqmalçılığı kimi təhlükəsizlik problemləri və təhdidlərlə mübarizə üzrə səmərəli dialoq qurmağa deyil, həm də ticarət və iqtisadi əməkdaşlığın intensivləşdirilməsinə imkan verəcək.”

Bu arada Rusiyada Taliban qadağasının aradan qaldırılmasına dair qanun layihəsi Dövlət Dumasına təqdim olunub.