Azərbaycan News Agency

İspaniyanın Baş naziri Pedro Sanchez İnteqrasiya və Vətəndaşlıq Planının İspaniyanın miqrasiya siyasətinə təsiri ilə bağlı açıqlama verib.

Planın büdcəsi və əsas məqsədi barədə danışan Sanchez deyib: "İlkin mərhələdə 500 milyon avrodan çox büdcə ilə dəstəklənən İnteqrasiya və Vətəndaşlıq Planı İspaniyanın miqrasiyanı nizamlı, ədalətli və ağıllı şəkildə idarə etmək təklifidir."

İnteqrasiya və Vətəndaşlıq Planının məqsədləri barədə məlumat verən Sanchez bildirib: "Bu, ölkəmizə gələn insanların həyatını yaxşılaşdırmağı, miqrasiyanın yaratdığı imkanlardan faydalanmağı və onun meydana çıxardığı çətinlikləri aradan qaldırmağı hədəfləyən bir plandır."

İdarəetmə ilə humanizm arasındakı tarazlığa diqqət çəkən Sanchez çıxışını belə yekunlaşdırıb: "Çünki idarəetmə olmadan humanizm yalnız sözdə qalır. Humanizm olmadan isə idarəetmə öz mənasını itirir."