Azərbaycan News Agency

Ukraynanın xarici işlər naziri Andrii Sıbiha açıqlamasında ABŞ Prezidenti Donald Trampın Lindsey O. Grahamın Rusiya və İrana qarşı Sanksiyalar Qanununu imzalayaraq qüvvəyə mindirməsinin Rusiyaya və müharibənin davam etdirilməsini dəstəkləyən qüvvələrə təzyiqi gücləndirəcəyini bildirib.

Sıbiha qanunun Rusiyanı daha da təcrid edəcəyini və müharibənin maliyyələşdirilməsi üçün istifadə olunan resursları azaldacağını bildirərək, qanunun ABŞ Konqresinin hər iki palatasında geniş ikipartiyalı dəstəklə qəbul edildiyini qeyd edib.

ABŞ-nin Ukraynaya göstərdiyi ikipartiyalı dəstəyi yüksək qiymətləndirdiklərini bildirən Sıbiha, Avropa İttifaqındakı tərəfdaşlarından və digər G7 ölkələrindən də Rusiyaya qarşı güclü addımlar gözlədiklərini ifadə edib. Sıbiha Moskvanın müharibəni sona çatdırması üçün beynəlxalq təzyiqin koordinasiyalı şəkildə artırılmasının vacib olduğunu qeyd edib.