Azərbaycan News Agency

ABŞ Prezidenti Donald Tramp son 6 ay ərzində qəbul edilən qərarların Amerika Birləşmiş Ştatları üçün nəticələrini qiymətləndirib. Tramp həmin qərarların ölkəyə iqtisadi zərər vurduğunu və vətəndaşlıq prosesinə təsir etdiyini iddia edib.

ABŞ Ali Məhkəməsini tənqid edən Tramp deyib: “Təəssüf ki, ABŞ Ali Məhkəməsi cəsarət göstərə bilmədi.”

Gömrük tarifləri və doğuşla vətəndaşlıq hüququ ilə bağlı qərarları tənqid edən ABŞ Prezidenti Donald Tramp deyib: “Son 6 ay ərzində tariflər və doğuşla vətəndaşlıq məsələlərində verdikləri səhv, siyasi və gülünc qərarlarla Amerika Birləşmiş Ştatlarına trilyonlarla dollar zərər vurdular və insanların böyük ölkəmizin vətəndaşı olması prosesinə qalıcı ziyan yetirdilər.”

Tramp açıqlamasını bu sözlərlə tamamlayıb: “Bu, Amerikanın tarixində kədərli bir dövr oldu, amma biz qalib gələcəyik!”