Azərbaycan News Agency

Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyi (UNRWA) Qəzzada 1,7 milyondan çox insana təhsil, səhiyyə, su, sanitariya və digər əsas xidmətlər göstərdiyini bildirib.

UNRWA-nın Baş komissar vəzifəsini icra edən Christian Saunders açıqlamasında hərəkətə keçmək üçün imkanın getdikcə daraldığını, lakin hələ tamamilə aradan qalxmadığını qeyd edib.

Beynəlxalq hüquqa riayət edilməsinin, Fələstin xalqının hüquq və ləyaqətinin qorunmasının, əhaliyə xidmət göstərən qurumların dəstəklənməsinin və ədalətli, davamlı sülh perspektivinin saxlanmasının vacibliyini vurğulayan Saunders, “Bu, yardım çağırışı deyil, məsuliyyət çağırışıdır.” deyib.