Azərbaycan News Agency

Ukrayna Prezidenti Volodimir Zelenski Amerika Birləşmiş Ştatlarındakı Ukrayna icmasının nümayəndələri və liderləri ilə görüşüb.

Zelenski bildirib ki, görüşdə Ukraynanın diplomatik təşəbbüsləri və sülh səyləri, eləcə də ABŞ Prezidenti Donald Tramp və onun komandası ilə aparılan təmaslar müzakirə olunub, həmçinin Ukraynanın üzləşdiyi əsas çətinliklər və gündəlikdə olan vəzifələr qiymətləndirilib.

Müharibənin başa çatdırılmasının Ukrayna üçün ən vacib məsələ olduğunu vurğulayan Zelenski ölkənin, Ukrayna xalqının, həmçinin ölkənin tarixi və mədəni dəyərlərinin qorunmasının əhəmiyyətinə diqqət çəkib.

Zelenski həmçinin Ukraynanın gücləndirilməsinə töhfə verən fəaliyyət və dəstəklərinə görə bəzi şəxsləri mükafatlandırıb.

Zelenski Ukraynanın mübarizəsi haqqında düzgün məlumatların yayılmasına, Ukrayna xalqına dəstək göstərilməsinə və ölkənin səsinin bütün dünyada eşidilməsinə töhfə verən hər kəsə təşəkkür edib.