Azərbaycan News Agency

Ukrayna Prezidenti Volodimir Zelenski yaxın günlərdə ABŞ tərəfi və avropalı dostları ilə keçiriləcək görüşlərə hazırlaşdıqlarını qeyd edib.

Zelenski Berlinin bir çox tədbirə ev sahibliyi edəcəyini vurğulayaraq, Umerov və danışıqlar qrupunun əvvəl baş tutmuş təmaslar barədə məlumat verəcəyini bildirib.

Zelenski əlavə edib:

“General Hnatov və Ukraynanın müdafiə və təhlükəsizlik sektorunun nümayəndələri Ukrayna və ukraynalılar üçün təhlükəsizlik təminatlarının detalları üzərində işləyəcəklər. Eyni zamanda, Ukrayna hökumətinin rəsmiləri müharibədən sonrakı Ukraynanın real mənada bərpası və inkişafı məsələlərində ABŞ və Avropa ilə danışıqları davam etdirirlər.”