Azərbaycan News Agency

Ukrayna Prezidenti Volodimir Zelenski Rumıniya Prezidenti Nicușor Dan ilə birlikdə ilk Karpat İqtisadi Forumunda iştirak etdiyini bildirib.

Zelenski forumda Karpat Səkkizliyinə daxil olan ölkələrin bölgədəki investisiya imkanlarını təqdim etdiyi xüsusi investisiya sərgisi sahəsinin olduğunu qeyd edib. Ukraynadan 9 şirkətin enerji, sənaye, nəqliyyat və logistika, eləcə də aqrar-ərzaq sektorlarında layihələrini təqdim etdiyini bildirən Zelenski forumdan sonra sərgini Rumıniya Prezidenti Dan ilə birlikdə ziyarət etdiyini söyləyib.

Forumdan sonra əldə edilən nəticələr barədə Zelenski deyib: “Bu, yalnız başlanğıcdır və ilk sammitdən artıq çox yaxşı nəticələr əldə etmişik. Bunu həyata keçirmək üçün çoxlu sayda müəssisə prosesə qoşulur. Artıq 1 milyard dollar dəyərində razılaşmalarımız var.”

Zelenski Karpatlarda investisiyaya yüksək tələbat olduğunu bildirərək, növbəti addımın turizm sahəsinə investisiyalar olacağını qeyd edib.