Azərbaycan News Agency

Ukrayna Prezidenti Volodimir Zelenski Rusiyanın ballistik raket təhlükəsinin artdığını və bu sahədə fəaliyyət göstərən bəzi Rusiya şirkətlərinin hələ də bir çox ölkənin sanksiya siyahısına daxil edilmədiyini bildirib.

Zelenski Rusiyanın ballistik raket istehsalında iştirak edən mühüm qurumların sanksiyalardakı boşluqlardan yararlana bildiyini qeyd edərək, tərəfdaş ölkələr arasında sanksiyaların daha çox koordinasiya və uyğunlaşdırma əsasında tətbiq edilməli olduğunu deyib.

Ukraynanın hazırladığı FREYJA hava hücumundan müdafiə sisteminin Avropanın birgə ballistik raketdən müdafiə infrastrukturunun bir hissəsinə çevrilə biləcəyini bildirən Zelenski, sistem üçün zəruri radar və sensor infrastrukturuna malik Avropa ölkələri və şirkətləri ilə razılaşmaların mövcud olduğunu qeyd edib.

Zelenski Ukrayna, Danimarka, Fransa, Almaniya, İtaliya, Niderland, Norveç, İspaniya, İsveç və Böyük Britaniyanın daxil olduğu Ballistik Raketlərə Qarşı Koalisiyanın töhfə verə biləcək digər ölkələr üçün də açıq olduğunu bildirib.