Azərbaycan News Agency

Ukrayna Prezidenti Volodimir Zelenski Almaniya Federativ Respublikasının Prezidenti Ştaynmayer ilə görüşü zamanı Almaniyanın Ukrayna xalqına verdiyi dəstəyə və bu məsələdə göstərdiyi liderliyə görə təşəkkür edib.

Zelenski görüşdə ABŞ ilə birgə həyata keçirilən işlər barədə məlumat verdiyini, bu işlərin “şərəfli sülhün təmin edilməsi, etibarlı təhlükəsizlik zəmanətləri və iqtisadi bərpa” məqsədlərini əhatə etdiyini bildirib.

Görüşün əhəmiyyətini vurğulayan Zelenski Ukraynanın suverenliyinin, ərazi bütövlüyünün və milli maraqlarının qorunmasının əsas əhəmiyyət kəsb etdiyini qeyd edib və Almaniyanın bu mövqeyə verdiyi prinsipial dəstəyi yüksək qiymətləndirdiyini deyib.