Azərbaycan News Agency

Ukrayna Prezidenti Volodimir Zelenski Ukrayna Təhlükəsizlik Xidmətinin hərbi əks-kəşfiyyat bölməsinin reaktiv mühərrikli “Şahed” pilotsuz uçuş aparatlarına qarşı apardığı işlərlə bağlı açıqlama verib.

Zelenski məsələ ilə bağlı Təhlükəsizlik Xidmətinin rəhbəri Oleksandr Pokladdan hesabat aldığını bildirərək deyib: “Reaktiv mühərrikli 'Şahed'lərə qarşı müdafiədə Təhlükəsizlik Xidmətinin hərbi əks-kəşfiyyat bölməsinin yaxşı nəticəsi var. Yeni önləyici dron hazırlanıb və uğurla istifadə olunmağa başlanıb.”

Ukraynanın qorunması istiqamətində işlərin addım-addım irəlilədiyini bildirən Zelenski deyib: “Ukraynaya daha çox müdafiə təmin etmək üçün addım-addım irəliləyirik.”

Zelenski ehtiyac duyulan silahların istehsalını artırmaq üçün hər gün çalışan tərtibatçılara və istehsalçılara təşəkkür edib.