Azərbaycan News Agency

ABŞ-nin Ankaradakı səfiri Tom Barrak 10 Noyabr – Atatürkü Anma Günü münasibətilə sosial media hesabında mesaj yayımlayıb.

Türkiyənin saat 09:05-də Atatürkün xatirəsini bir dəqiqəlik sükutla yad etdiyini bildirən Barrak özünün də bu sükuta qoşulduğunu ifadə edib.

Atatürkün vəfatından 88 il keçməsinə baxmayaraq, onun nümunəsinin bu gün də əhəmiyyətini qoruduğunu qeyd edən Barrak bunları bildirib:

“Bu gün saat 09:05-də Türkiyə sükuta qərq olur və mən də bu sükuta qoşuluram. Vəfatından 88 il keçməsinə baxmayaraq, Mustafa Kamal Atatürkün nümunəsi bu günümüzə birbaşa səslənir. Müharibənin bədəlini hər kəsdən yaxşı bilən bir əsgər kimi o, qurmağı seçdi: bir imperiyanın xarabalıqları üzərində respublika, incikliklərin yerinə institutlar və bu gün də bu millətə yol göstərən ‘Yurdda sülh, cahanda sülh’ prinsipi.

Bu gün qarşımızda duran vəzifə budur. Hələ də sabitlik axtaran bir bölgədə onun tövsiyəsi öz aktuallığını qoruyur. Suverenlik və ləyaqət cəsarətlə qazanılır, rəqibləri tərəfdaşa çevirmək üçün tələb olunan daha böyük cəsarətlə qorunur.”